OLATUEN INDARRA

Problema hau Eibarko Mintegiaren sortatik aterata dago, batxillergoko 2. mailatatik, baina batxillergoko 1. mailan ere proposa daiteke:

 OLATUEN INDARRA

David, Inazio eta Ibon batxilergoko bigarren ikasturteko ikasleak dira eta, horrez gain, zaletasun komuna dute: surfa. Egun jakin batean, hondartzako sorosleak olatuen indarra Newtonetan neurtuta, t denboraren menpe (orduetan), honako hau dela jakinarazi die: 

F(t) = |400 – 50t|

Olatuen indarra 50 N baino txikiagoa bada, ezinezkoa da kirol horretan aritzea, itsasoa lasaiegi dagoelako. Aldiz, olatuen indarra 200 N baino handiagoa bada, segurtasun-arauek surfean aritzea debekatzen dute. Aurreko datuekin, t egun bateko 0 orduetatik 24 orduetara mugitzen bada, zer ordutegitan praktika daiteke surfa?

EBAZPENA:

Hasteko, F(t) = |400 – 50t| funtzioaren grafikoa egingo dugu:

Orain, olatuen indarrak 50 N eta 200 N artean egon behar duenez, F(t) = 50 eta F(t) = 200 zuzenak marraztuko ditugu:

Grafikoan garbi ageri da surfean aritzeko ordu egokiak goizez lauretatik zazpietara eta bederatzietatik 12etara direla.

SOLUZIOA: Surfa goizeko 4retatik 7etara eta 9etatik 12etara praktika daiteke.